Luftëtari zbret në stërvitje, më në fund Marantas e ka skuadrën e plotë

Luftëtari ka zbritur sot në fushën e stërvitjes dhe ka nisur që të mendojë për ndeshjen e radhës në shtëpi, atë me Bylisin që do ta luajë në orën 14:00 në stadiumin “Gjirokastra”. Një ndeshje mjaft e rëndësishme për bluzinjtë që synojnë pikët e plota.

Duhet thënë, se për herë të parë që kur ka marrë drejtimin e skuadrës bluzi, trajneri Jorgos Marantas do ta ketë grupin e plotë, e madje do të ndërtojë një 11-she ideale në një sfidë mjaft të rëndësishme shtëpie.

Me lojën dhe rezultatet që kanë bërë në javët e fundit, bluzinjtë, tashmë janë më të konsoliduar si skuadër dhe synimi i tyre është largimi nga “zona e ftohtë” e tabelës së renditjes në Superiore.

E.S./Vipsport.al/