Futbolli shqiptar në zi, ndahet nga jeta legjenda e Partizanit dhe e Kombëtares

Futbolli shqiptar është në zi teksa ka humbur një nga njerëzit që i kanë dhuruar më shumë atij. Bëhet fjalë për legjendën e futbollit, Miço Papadhopuli, ish-futbollist i Partizanit dhe Kombëtares.

Papadhopuli është ndarë nga jeta ditën e sotme në moshën 86-vjeçare. Papadhopuli mbante titullin Prof. Doktor, ndërsa nga viti 1997 deri në vitin 2002 ka qenë president i Federatës Shqiptare të Futbollit, ndërsa prej vitit 2002 mbante titullin President Nderi i FSHF.

Papadhopuli ka qenë ndër futbollistët më të spikatur të viteve 1950-1960 teksa si pjesë e Partizanit është shpallur gjashtë herë kampion i Shqipërisë. Papadhopuli është vlerësuar edhe me titujt Mjeshtër i Madh dhe Mjeshtër i merituar sporti.

/Egi Çabeli-VipSport.al/