EURO 2020, rezultatet dhe renditjet / Gjermania ia hedh me 10 lojtarë, mësohet edhe e katërta e kualifikuar (VIDEO)

Holanda ka hedhur një tjetër hap të sigurt drejt Euro 2020, duke përmbysur plotësisht situatën nga ai fillim i keq që i bëri edicionit. Skuadra e Ronald Kuman ka fituar sot me shifrat 2-1 përballë Bjellorusisë falë dy golave të Xheorxhino Vijnaldum në pjesën e parë të takimit.

Ky sukses i jep një avantazh të rëndësishëm ndaj Irlandës së Veriut që ishte kthyer në rrezik për holandezët nëse do të linin pikë të tjera rrugës. Tashmë ajo shkon me një avantazh prej 3 pikësh në takimin ndaj irlandezo-veriorëve në nëntor, duke kryesuar renditjen e grupit.

Në darkë asaj iu barazua në kuotën e 15 pikëve Gjermania e cila fitoi 3-0 në fushën e Estonisë, edhe pse mbeti me 10 lojtarë pas pak minutash për karton të kuq të Emre Xhan. Telashet e skuadrës së Lëv i zgjidhi Gyngodan i cili me 2 gola dhe një asist siguroi ngjitjen e skuadrës gjermane dhe evitoi komplikimin e ndeshjeve të fundit.

Ndërkohë, në Grupin E, Hungaria ka mbajtur hapin e pretendentëve për të shkuar në Europian, duke mundur 1-0 Azerbajxhanin dhe duke parakaluar Sllovakinë për momentin. për të marrë vendin e dytë.

Në Grupin I, ka dalë edhe emri i skuadrës së dytë të kualifikuar, pasi Rusia ka prerë zyrtarisht biletën pas Belgjikës, duke u bërë kështu ekipi i tretë që siguron pjesëmarrjen në aktivitet.

Skuadra e katërt e kualifikuar në Euro 2020 është Polonia, e cila mundi Maqedoninë e Veriut me rezultatin 2-0 dhe preu biletën për në fazën tjetër të turneut. Një humbje e cila praktikisht i ka mbyllur dyert edhe skuadrës së Maqedonisë së Veriut e cila duhet të fillojë të mendojë për play-off të vitit të ardhshëm.

NDESHJET

Grupi C
Bjellorusi – Holandë 1-2
54′ Dragun / 32′, 41′ Vijnaldum
Estoni – Gjermani 0-3
52′, 58′ Gyndogan, 71′ Verner

Grupi E
Hungari – Azerbajxhan 1-0
10′ Korhut
Uells – Kroaci 1-1
45’+3′ Bejl / 9′ Vlasic

Grupi G
Slloveni – Austri 0-1
21′ Posh
Poloni – Maqedonia e Veriut 2-0
74′ Frankovski, 80′ Milik

Grupi I
Kazakistan – Belgjikë 0-2
21′ Batshuai, 53′ Munie
Skoci – San Marino 6-0
12′, 27′, 45’+1′ MekGin, 65′ Shenklend, 67′ Findlei, 87′ Armstrong
Qipro – Rusi 0-5
9′, 90’+2′ Cerishev, 23′ Oxhoev, 79′ Dzhyba, 89′ Golovin