Administratori Lici ngriti shqetësimin, Bashkia Shkodër miraton fondin me 200 milionë lekë

Pak ditë më parë, administratori i skuadrës shkodrane, Suad Lici ngriti zërin e madje duke konfirmuar edhe protestën e pak javëve më parë të punonjësve të klubit dhe trajnerëve që pretendonin se kishin 6 muaj që nuk paguheshin, e madje edhe duke iu dhënë të drejtë.

Lici, në mbledhjen e  Këshillit Bashkiak edhe herët e tjera e ka vënë në dukje një problem madhor që ekzistonte në klub!

Ndërkohë, sot në mbledhje Këshilli Bashkiak e ka miratuar shumën prej 200 milionë lekësh që do të mbulojë shpenzimet emergjente në klubin shkodran. Në fakt, ky fond ishte miratuar edhe më parë, por ishte kthyer mbrapsh, duke mos gjetur dakordësinë e prefektit të Qarkut Shkodër.

Në fakt, anëtarët e Këshillit Bashkiak Shkodër, i kanë kërkuare dhe administratorit Suad Lici një rezyme më të qartë të ecurisë së klubit dhe shpenzimet, ndërsa është lënë që në një mbledhje enkas vetëm për këtë çështje. Kjo kërkesë e tyre e gjeti menjëherë edhe konsensusin e administratorit të kuqebluve Suad Lici i cili do të flasë në mbledhjen e radhës enkas, gjerë e gjatë për situatën dhe shpenzimet e Vllaznisë!

Shpresohet shumë që ky fond i dhënë sot, të vlejë dhe të ndikojë në ecurinë e Vllaznisë në kampionat.

Por, ajo që duhet theksuar është se duhet që të ketë një analizë në lidhje me shpenzimet sepse lojtarët e akademisë paguajnë tarifën sipas kushteve të vëna nga klubet dhe nuk ka sens që trajnerët apo punëtorët të mos paguhen!  Probleme me pagat pati edhe në fund të sezonit të shkuar, ku lojtarët ngritën zërin…!

E.Saliu/Vipsport.al/

mersin escort mersin bayan escort mersin escort konya escort eskişehir escort bayan