56-0 me gjuajtje, mund të ishte katastrofë! Shqipëria U19 e femrave pëson “vetëm” 8 nga Gjermania

Përfaqësuesja shqiptare e femrave U19 ka nisur sot rrugëtimin e saj në grupin kualifikues të Europianit me një humbje të thellë përballë Gjermanisë, në një ndeshje të luajtur praktikisht vetëm me një portë. Rezultati përfundimtar 8-0 e tregon qartësisht diferencën mes dy ekipeve, por rezultati mund të kishte qenë edhe më i thellë pasi vajzat kuqezi kanë evituar një katrastrofë të vërtetë në këtë takim

Gjermania shënoi 4 gola që në 25 minutat e para, ndërsa mbylli me golin e pestë pjesën e parë të sfidës. Në fraksionin e dytë të lojës, ku trajneri i përfaqësueses gjermane largoi shpejt disa nga titullaret, Gjermania vazhdoi të kërkonte golin, duke shënuar edhe 3 herë të tjera për të mbyllur ndeshjen 8-0.

Normalisht, kjo quhet një humbje e thellë, por në fakt nuk është aq keq, pasi statistikat e UEFA-s tregojnë se Gjermania ka tentuar 56 herë portën në këtë duel, duke çuar topin 23 herë në kuadrat. Praktikisht vajzat e drejtuar nga Mariglen Kule kanë shpëtuar mirë duke pësuar vetëm 8 gola, me portieren Esemeralda Noka e cila ka bërë disa pritje për të shpëtuar katërkëndorin nga një rezultat që do të ishte historik në aspektin negativ.

Ndeshja e radhës e vajzave kuqezi është ndaj Portugalisë, ndërsa mbyllin grupin me ndeshjen kundër Azerbajxhanit. /vipsport.al/

mersin escort mersin bayan escort mersin escort konya escort eskişehir escort bayan