VIDEO/ Sot shkëlqen me Barcelonën, Ansu Fati “trulloste” kundërshtarët por lihej 1 vit jashtë nga Sevilja

Futbollisti i momentit në Spanjë është Ansu Fati i cili me fanellën e Barcelonës po shkëlqen. Pak ditë më parë shënoi golin e tij të parë me fanellën e katalanasve, ndërsa në ndeshjen e tij debutuese si titullar shënoi dhe asistoi për De Jong.

Në fakt, Ansu Fati nuk është rastësisht një nga më të dalluarit duke qenë se ai shkëlqente që në moshën nëntëvjeçare. Talenti që tashmë është 16 vjeç, ishte pjesë e Seviljas atë kohë dhe së fundmi, në Spanjë është publikuar një video e tij në moshën 9-vjeçare. Fati shihet që shkëlqen në fushë, duke “trullosur” futbollistët kundërshtarë të cilët ishin moshatarë me të.

Sakaq, Sevilja e linte edhe një vit pa luajtur atë kohë duke u detyruar që të largohet. Diçka të tillë e ka zbuluar vetë babai i Ansu Fati pak kohë më parë në një intervistë. “Barcelona na erdhi me kontratë te shtëpia dhe u interesua për Fatin. Më vonë, ishte Monçi ai që kërkoi informacion se sa kishte paguar Barcelona, për të na ofruar më shumë por ata ma lanë djalin 1 vit pa luajtur dhe nuk mund të pranoja bisedime me to”, shprehej babai i futbollistit. /Erjon Allaraj-VipSport.al/