VIDEO/ Kuqezinjtë ia dalin para tifozëve dhe rihapin garën, Shqipëria shfryn me gola ndaj Islandës

Shqipëria ka arritur të marrë një fitore të madhe në “Elbasan Arena”, aty ku ka mundur me rezultatin 4-2 skuadrën e Islandës. Kuqezinjtë kanë bërë autokritikë për humbjen e pak ditëve më parë në Francë, ku u turpëruan me rezultatin 4-1, duke shfryrë ndaj islandezëve.

Ka qenë fillimisht Dermaku ai që ka shënuar golin e avantazhit, por islandezët kanë barazuar. Më pas, radhën për të shënuar e ka pasur kapiteni Hysaj megjithatë miqtë kanë barazuar sërish. Në fundin e takimit, Roshi dhe më pas Çikalleshi i kanë dhënë kuqezinjve këtë fitore që i mban sërish në garë për një vend për në Europianin e ardhshëm. /Erjon Allaraj-VipSport.al/

Minutë pas minute: 

Mbyllet takimi me fitore 4-2 ndaj Islandës!

90′ Akordohen edhe 6 minuta shtesë.

85′ Manaj mundohet i vetëm dhe driblon bukur duke provuar të gjejë hapësirë, por ndal mbrojtësi.

79’ GOOOL Shqipëria! Ka realizuar Odise Roshi një gol mjaft të bukur duke shpërthyer në zonë aty ku ka gjetur golin falë edhe të një devijimi.

77’ Mundësi e mirë për tanët ku topi ndodhet në zonë dhe ka një ndërhyrje por për gjyqtarin nuk ka penallti.

74’ Goditje dënimi për kuqezinjtë në hyrje të zonës dhe është Memushaj ai që e merr përsipër, megjithatë fiton vetëm një këndore.

72’ Largohet Hysaj i dëmtuar dhe në vend të kapitenit hyn Abrashi.

66’ Zëvendësim në radhët e kuqezinjve me Gjimshitin që largohet dhe vendin e tij e zë Veseli.

63’ Zëvendësim te kuqezinjtë me Lenjanin që largohet dhe vendin e tij e zë Odise Roshi.

59’ GOOOL Islanda! Ka realizuar Sigorson golin e barazimit pas një rrëmuje në zonë.

55′ Faull në sulm nga Cikalleshi dhe merr karton të verdhë!

52′ GOOOL Shqipëria! Manaj ka dhënë një top mjaft të bukur me dhembur për Hysajn i cili ka dalë i vetëm përballë portierit duke shënuar golin e tij të parë në karrierë me fanellën e Kombëtares.

47′ GOOOL Islanda! Pakujdesi në mbrojtje e kuqezinjve dhe është Sigurdson ai që kalon skuadrën në avantazh!

Nis pjesa e dytë, nuk ka ndryshime te skuadrat

45+1′ Mbyllet pjesa e parë, 1-0 për kuqezinjtë.

39’ Lenjani merr mirë krahun nga e majta dhe provon krosimin në zonë, megjithatë del portieri.

38′ Arnjason shkakton faull ndaj Manajt dhe merr karton të verdhë.

36’ Tjetër goditje dënimi për kuqezinjtë dhe tashmë e fiton Bare, të cilit ia shkakton Halfredson.

33’ GOOOL Shqipëria! Ka realizuar me kokë Kastriot Dermaku duke kaluar kuqezinjtë në avantazh tashmë!

30’ Bare tenton një goditje nga distanca, por topi shkon jashtë në mënyrë të gabuar duke mos kërcënuar aspak portën kundërshtare.

27’ Tjetër mundësi e artë për Islandezët që hyjnë rrezikshëm në zonë aty ku vjen edhe goditja, por shkon jashtë sërish.

25’ Provon nga distanca Sigurdon por për fat goditja e tij përfundon jashtë.

23’ Manaj ka një tjetër mundësi në zonë dhe provon krosim, por topi largohet në këndore.

20’ Gabon Dermaku në dyluftim me Halfredson dhe shkakton faull. Vjen krosimi i lartë nga Sigurdson megjithatë topi shkon jashtë.

19’ Tjetër goditje dënimi në mesfushë por këtë radhë u përket “vikingëve”.

17’ Islanda luan me pasime të shumta dhe mundohet të organizohet para me topa të gjatë, megjithatë Hysaj fiton faull.

13’ Mundësi e artë për kuqezinjtë me anë të Manajt të cilit i mbetet topi në këmbë por gabon shumë pak centimetra larg portës duke goditur edhe shtyllën.

12’ Kuqezinjtë kanë tashmë një mundësi të mirë. Është Memushaj ai që futet mes 4 mbrojtësve dhe fiton faull.

8’ Islandezët mundohen që të organizohen megjithatë e kanë të vështirë të gjejnë hapësira në mbrojtjen tonë.

3’ Goditje dënimi për Shqipërinë, aty ku vjen krosimi në zonë por topi shkon në duart e portierit.

1’ Ka nisur takimi në “Elbasan Arena” mes Shqipërisë dhe Islandës!

Formacionet:

Shqipëria: Strakosha, Lenjani, Hysaj, Gjimshiti, Dermaku, Ismajli, Bare, Memushaj, Gjasula, Çikalleshi, Manaj
Trajner. Edoardo Reja

Islanda: Haldorson, Hermanson, Arnason, R.Sigurdson, Skulason, Bjarnason, G.Sigurdson, Gunarson, Sigurjson, Halfredson, Bodvarson
Trajner. Erik Hamren