Tragjike/ Njoftoi për mesazhin e fundit pak kohë më parë, ndërron jetë ish-mesfushori i Holandës (Video)

Bota e futbollit ka marrë sot një lajm të trishtë duke qenë se ka ndërruar jetë ish-mesfushori i kombëtares holandeze, Fernando Riksen. Ai vuante prej kohësh nga një sëmundje e rëndë nervore, sëmundje të cilën e kishte zbuluar që në vitin 2013 por pa arritur që ta fitojë këtë luftë, më të rëndësishmen.

Riksen ka ndërruar jetë ditën e sotme në spitalin “St. Andreës” në moshën 43-vjeçare duke lënë një boshllëk në futbollin holandez dhe jo vetëm. Ai ka arritur të fitojë trofe të rëndësishme me Rejnxhërsin si edhe me Zenitin, ku kujtojmë edhe Kupën UEFA dhe Superkupën e Europës në vitin 2008, duke fituar në finale ndaj Mançester Junajtidit.

Në muajin qershor, Riksen kishte dhënë edhe një mesazh prekës dhe në një farë mënyre një mesazh të fundit. Ai ishte i bindur se nuk do të mbijetonte në këtë luftë dhe kërkonte kujtimin e tij të fundit. “Përshëndetje, kam një natë speciale në datën 28 qershor. Ka nisur të vështirësohet gjithçka për mua dhe mund të jetë mbrëmja ime e fundit. Ejani dhe bëjeni një natë për t’u kujtuar. Shpresoj t’iu shoh së shpejti”, shprehej Riksen në qershorin e këtij viti. /Erjon Allaraj-VipSport.al/