Statistika që frikëson Barcelonën, nuk ka fituar 7 ndeshjet e fundit larg “Kamp Nou”

Për të mundur Barcelonën në “Kamp Nou” duhet një mrekulli, që pakkush e arrin në tempullin e skuadrës katalanase. Por për të mundur Barcelonën jashtë fushës së saj, ose të paktën për t’i marrë një barazim, nuk është edhe aq e vështirë sa mendohet kohët e fundit.

Barazimi i regjistruar në stadiumin e Borusia Dortmund, nga i cili katalanasit ishin me fat që nuk dolën të mundur, ishte ndeshja e 7 zyrtare radhazi jashtë fushës në të cilën Barcelona nuk arrin të gjejë fitoren. 4 të tilla u regjistruan në sezonin e kaluar, me 2 prej tyre që do të kujtohen gjatë nga tifozët e skuadrës,. Njëra ishte humbja 4-0 ndaj Liverpulit, e tjetra disfata 2-1 në finalen e Kupës së Mbretit ndaj Valencias.

Këtë vit ishte humbja përballë Atletik Bilbao, barazimi me Osasunën e së fundmi barazimi në Dortmund. Shifra që tregojnë se katalanasit nuk janë më aq dominues si dikur, kur regjistronin seri rekord fitoresh. Duke kujtuar se në vitet e kaluara ka pësuar humbej shumë të thella jashtë fushe në Ligën e Kampioneve përveç Liverpulit, si në rastin e PSG, Romës apo Juventusit, në Katalonja duhet të fillojnë të shqetësohen për këtë trend i cili po zbeh dominimin që kishte skuadra në Spanjë e jashtë saj,. /vipsport.al/