“Shqipëria është bërë mediokre, i paskemi rënë në qafë Panuçit”

Gëzim Sinemati, opinionisti i “Procesi Sportiv”, mendon se para se të diskutohet për çështjen e himnit, duhet të shihet paraqitja e dobët e përfaqësueses kuqezi në fushën e lojës ndaj Francës. Sipas tij, kjo është diçka që vë në diskutim se çfarë funksioni ka futbolli që ajo tregon.

“E zëmë se nuk është e vërtetë që është më qellim ajo e himnit. Zyrtarët nuk pranuan, bënë shumë mirë. Por duhet të dinë që himni i tyre është fusha e lojës, shqiponja e flamuri që i kanë për zemër duhet ta tregojë në fushë. Kujtojnë se kanë bërë gjest të madh se nuk dolën në fushë, por në fushë kjo Shqipëri është bërë kaq mediokre duke u zhytur kaq thellë në gabime të tilla, sa them çfarë do të bëjmë? A është futbolli që na përfaqëson, që meritojmë, me këtë mënyrë që luajmë?

Kur u hap diskutimi me Rejan u tha që është me shumë përvojë, unë thashë që nuk ka qenë ndonjëherë në kombëtare, është tjetër specialitet. Të vjen dita të luash me kampionët, e të dalësh të kërkosh falje nuk lejohet. Kush nuk di futbollin thotë çne Roshi të jetë fajtor për golat, ai njihet për lojën sulmuese? Roshin e pamë me dy fytyra, se ishte mirë për sulmin. Me këtë që ndodhi i paskemi rënë në qafë Panuçit se ishte më sulmues se Reja, e ky që erdhi për të na mësuar mbrojtjen gabon”, tha Sinemati. /vipsport.al/