Sarri kundër kritikëve: Këtu më parë nuk kishim shënuar asnjëherë

Juventusit i ka ikur nga duart sot një fitore shumë e rëndësishme përballë Atletiko Madrid, që do të kishte bërë më të thjeshtë kualifikimin e pse jo, edhe vendin e parë në grup të italianëve. Barazimi 2-2 në fund sigurisht ka lënë të pakënaqur bardhezinjtë, por trajneri Mauricio Sarri është munduar të justifikojë edhe këto mangësi që po shfaq skuadra në mbylljen e ndeshjeve.

“Erdhëm këtu dhe vuajtëm, pastaj luajtëm ballë për ballë dhe iu afruam shpesh golit të 3-1, ndërsa në shtesë mund ta fitonim gjithsesi ndeshjen. Kemi bërë hapa të ndjeshëm para, duhet të zgjidhim këtë problemin e goditjeve standarde, diçka që duhet të korrigjojmë.

I zemëruar apo me besim? Si gjithmonë ndjesia është e dyfishtë. Nga një anë është ndërgjegjësimi i aspektit pozitiv, nga tjetra është inatosja që ke kur pëson gol në minutën e 90. Unë golin e dytë e pranoj, të parin jo, se topi ishte shumë larg dhe mjaftonte një prekje e lehtë e kundërshtarit. Por skuadra është përmirësuar edhe nga personaliteti, më parë ndaj Atletikos në transfertë nuk kishte shënuar asnjëherë, ndërsa sot thuajse shënoi edhe të tretin. Nga pankina dukej se situata ishte në kontroll, me dukej sikur do ta mbyllnim ndeshjen pa probleme”, pranoi Sarri zhgënjimin e tij . /vipsport.al/