Roshi: Në Francë humbin 90% e ekipeve, tifozët e vërtetë nuk e shajnë Kombëtaren

Odise Roshi arriti të bënte autokritikë për humbjen e pak ditëve më parë dhe paraqitjen e bërë në Francë, duke shënuar ndaj Islandës. Sulmuesi nuk mundi ta përmbante gëzimin dhe festoi duke bërë me gisht gjestin e heshtjes dhe në një prononcim për mediat, ai u shpreh se këtë festim e kishte për tifozët të cilët e kanë sharë kombëtaren, por duke mos përfshirë këtu ato që ishin në stadium.

“Kritikat? Nuk ishte faji i trajnerit pasi ai ka menduar se mund ta bëjë mirë. Luanim ndaj Francës dhe ka ekip të mirë. Shumica e ekipeve dhe 90% humbin në Francë. Po të mos gabonim nuk fitonin, por e rëndësishme ishte të fitonim ndaj Islandës pasi na kanë mundur 3 herë dhe kishim dëshirë të madhe për të fituar.

Skema? Ishte e njëjtë por çunat e donin këtë fitore patjetër dhe ishin të uritur. Kanë bërë ndeshje shumë të mirë pasi ata kanë 12 pikë ndërsa ne shkuam 9. Futbolli i ka këtu, një herë luan mirë e herë keq. Duhet të gëzojmë me çunat në Tiranë.

Festa? E kisha për ata që shajnë kombëtaren dhe që nuk e duan. Kombëtarja është 1 dhe duhet mbështetur. Tifozët në stadium nuk e shajnë Kombëtaren”, tha Roshi. /VipSport.al/