Reja: Kemi filluar të jemi më shumë skuadër, më vjen keq që u kritikuan të gjithë

Trajneri i Kombëtares, Edi Reja u shpreh për “RTSH” se ishte shumë i lumtur për fitoren e sotme, ndërkohë që pranoi se nuk i kanë pëlqyer kritikat e bëra nga mediat për skuadrën.

“Jam shumë i kënaqur nga rezultati dhe më pëlqen që skuadra po mblidhet dhe është grup e të bashkuar. Zëvendësuesit kanë sakrifikuar dhe ato që hynë si Abrashi që dha më të mirën në një pozicion jo të tijin. Më pëlqyen të gjithë dhe kjo frymë që përcillet. Nuk do të jemi ajo skuadër si në Francë ku shkuam për të tentuar për të bërë mirë por nuk do të jemi një skuadër në nivelin e ndeshjes me Moldavinë dhe si në ndeshjen e parë me Islandën.

Merita është e skuadrës pasi kanë sintoni dhe janë skuadër e vërtetë. Të gjithë duan të sakrifikojnë dhe nuk kam pasur shumë kohë të punoj por po më japin kënaqësi edhe me kaq.

Më erdhi keq që dëgjova që lojtarët u kritikuan pasi nuk është pozitive. Vijnë të japin më të mirën për këtë komb dhe gjithsecili duhet të bëjë detyrën e vet por duhet të kuptojmë se ka kundërshtarë të fortë. Sot ishim Shqipëri e vërtetë dhe i jap komplimente skuadrës.

Më vjen mirë që shënuam por jam i keqardhur si pësuam 2 gola. një skuadër e vërtetë si ne nuk duhet të pësojë këto gola. për të pasur aspirata për në Europian, nuk duhet të pësojmë kështu golash”, tha Reja. /VipSport.al/