Prova e fundit para Europianit, Shqipëria U19 luan ndaj Polonisë

Përfaqësuesja shqiptare e futbollit U19 bëhet gati për ndeshjet e fazës së parë të kualifikueseve të Europianit të kësaj grupmoshe me një kundërshtar luksi. Mësohet se kuqezinjtë e vegjël, të drejtuar nga Nevil Dede, do të luajë në tetor një ndeshje miqësore kundër Polonisë ku trajneri do të bëjë provat e fundit para se të përzgjedhë ekipin për eliminatoret.

Rreth një muaj para pjesëmarrjes në Europian, Dede do të grumbullojë lojtarët për këtë ndeshje kundër polakëve më 14 tetor, ndërsa lojtarët do t’i ketë në dispozicion që një javë më përpara. Trajneri ka ftuar të gjithë emrat kryesorë të ekipit për grumbullimin e tetorit, duke marrë shumë lojtarë të cilët kanë spikatur me skuadrat e tyre në Shqipëri, por sidomos jashtë saj nga do të jetë pjesa më e madhe e kontingjentit të kuqezinjve.

Përfaqësuesja U19 luan më 13, 16 dhe 19 nëntor ndeshjet e sajnë grupin kualifikues të Europianit të kësaj grupmoshe. Rivalët janë përkatësisht Greqia, Belgjika dhe Islanda, me vetëm 2 të parat e grupit që kualifikohen automatikisht në fazën tjetër të turneut. /vipsport.al/