Një tjetër Partizan me pretendime, Kalari trajner-lojtar, afrohen edhe lojtarë që kanë luajtur në elitë

Partizani B pak vite më parë lindi si ekip për t’i shërbyer lojtarëve që dilnin nga moshat dhe nuk gjenin hapësira në skuadrën e parë, por kishin talente dhe në mënyrë që të mos “digjeshin” të luanin në ekipin e dytë.

Me kalimin e viteve “të kuqtë e vegjël” edhe nisin që të pretendonin për më shumë, madje i shkuan shumë afër kategorisë së Parë, por që u shpik një rregullore dhe ndonëse e mundën Sopotin në ndeshje shtesë nuk u ngjitën në Kategorinë e Parë.

Por, këtë sezon e kanë marrë shumë seriozisht. Madje, në stol është një nga lojtarët e dalluar et të kuqtë e Superiores edhe kampion në sezonin e shkuar, Renaldo Kalari. Madje, ky i fundit do të jetë edhe trajner-lojtar në Kategorinë e Dytë. Nën menaxhimin e Altin Ferat dhe Simon Bathës, Partizani B synon që të ngjitet në Kategorinë e Parë.

Madje, të kuqtë kanë afruar edhe lojtarë që më parë kanë luajtur edhe në Superiore dhe në Kategorinë e Parë, me të kuqtë dhe jo vetëm. Florian Peqini është një mbrojtës i njohur në ambientin e kuq, ashtu si dhe sulmuesi Odeon Bërdufi, që ka dalë nga Dinamo dhe më pas ka provuar që të luajë më shumë skuadra, apo dhe Llanaj që vjen nga Vora, apo Gjeci nga Turbina ku vjet luajti titullar.

Partizani B synon që të ngjitet dhe e ka marrë shumë seriozisht…

E.Saliu/Vipsport.al/