Mëneri: Ndeshja nuk arriti nivelin e atmosferës së derbit. Parulla ishte tregues injorance

Niveli i derbit nuk është ngjitur përsëri në  nivelin që kërkohet në fushën e lojës. Ky është mendimi i Fatmir Mënerit i cili në studion e “Rubrika Sportive” komentoi derbin në fushë dhe në tribuna.

“Barra e incidenteve i bie Tiranës. Gjë e shëmtuar, nuk ka një të bukur çfarë të shohësh. Ndeshja në vetvete, ato 100 minuta, nuk ishte as në nivelin e përgatitjes së derbit, as të atmosferës, as në nivelin e asaj që u përgatit nga mediat gjatë javës dhe hyzmetin që u bë në të gjitha pikëpamjet për ta sjellë sa më lart si derbi. Ndeshja ishte deficit ndaj tifozerive dhe kjo ishte e dukshme duke pasur parasysh koreografinë.

Shpresoj që të jetë reaguar edhe në bazë të ligjit e ndryshimeve që janë bërë. Nëse ka dënime duhet të mediatizohen, duheshin treguar që janë marrë masa. Nuk thonë kot që frika ruan vreshtin.

Parulla të lë pa fjalë. Duhet detyrimisht ndërhyrë, edhe pse në një farë pikëpamje është tregues injorance se nuk kuptohet as mesazhi që kishin ndër mend, makabriteti i saj është i palejueshëm.

Kur nuk ke sukses në vite duhet të përgatitsh Planin B, duhet të reagosh. Ajo që bëri dallimin të paktën me si e pashë unë, është një karakteristikë që duhet ta shohin me kujdes te gjitha skuadrat. Mënyra se si reagon, se mundet që për X arsye një futbollist të mos jetë një gjendje optimale sa i përket asaj që ka menduar trajneri. Puna është si reagon, kjo është me shembull konkret se Tirana në pjesën e parë ishte shumë aktive në krahun e majtë, duke vënë në vështirësi Malën. Por pas 20 minutash u pa që u mor masa, u lëviz diçka dhe nuk ishte më ajo lehtësi. Në krahun e Tiranës reagimi u bë me shumë vonesë”, tha Mëneri. /vipsport.al/