Menaxheri i vëllezërve Kanavaro: Rejas do i bëjnë statujë në Shqipëri, bëri mrekulli me Hysajn

Goli i shënuat nga Hysaj me kombëtaren, i pari me fanellën kuqezi, ka bërë shumë bujë në Itali duke u kthyer shpesh në temë diskutimi pasi tifozët napolitanë e mendonin të pamundur një gjë të tillë, për më tepër me këmbën e majtë, në këtë diskutim është përfshirë edhe një emër i njohur Enriko Fedele.

Menaxheri i vëllezërve Kanavaro, në një intervistë radiofonike për “Radio Marte” në Itali, ka komentuar pikërisht paraqitjen e mbrojtësit me kuqezinjtë duke falënderuar Edi Rejan, teknikun e përfaqësueses.

“Çfarë mendoj për Hysajn, i zhdukur nga Napoli dhe titull me kombëtare ku edhe shënoi? I drejtohem Edi Rejas, trajnerit të Shqipërisë dhe mikut tim të ngushtë, e njoh dhe e vlerësoj prej kohësh.

Do të dëshiroja të thosha: I dashur Edi, bravo. Pas Padre Pio vjen ti, bëre të shënonte Elseid Hysaj me të majtën! Në Shqipëri do të bëjnë statujë, ke bërë një mrekulli. Unë dhe ti jemi miq prej vitesh, jemi të tillë sepse jemi të dy njerëz futbolli dhe sportit”, ishin fjalët e menaxherit italian. /vipsport.al/