Mema: Ulemi me këmbë në tokë, është zmadhuar shumë opinion me diskutime titulli

Trajneri i Tiranës, Ardian Mema, e sheh humbjen e sotme ndaj Kukësit, si një kthim në realitet për ekipin e tij. Në SuperSport, ai pranoi se ekipi nuk ishte paraqitur në nivelin e kërkuar dhe shpresonte ta shihte kthesë në derbi.

“Kukësi ka element të mirë, gjëja që na mungoi ishte qetësia, duhej të kishim qetësi. Ai gol na tronditi të gjithëve, edhe në pushim u thashë lojtarëve që rezultati do vijë, nuk është problem. Ndodh të pësosh gol, të shohim në vijim, ekipi u përqendrua në pjesën e dytë por nuk ia dolëm. Pastaj edhe ndalesat e lojës bënë të vetën, janë bërë të modës këto shtrirjet në fushë.

Qetësia duhet ruajtur në çdo moment, kishim raste për shënim edhe në të parën e të dytën Kobina, Rastet në një ndeshje janë 2-3, jo më shumë, këtë përqendrim duhet të kemi ëdhe të shënojmë golin se do na lirojë.

Mungesa e ekuilibrit? Ndoshta eshte pejsa që ekipi ka motivimin për të fituar ndeshjen dhe nuk jemi në ekuilibër kur sulmojmë. Kukësi na ka gjetur në inferioritet në kundërsulm, duhet ta shohim që të mos bëjmë sulme aventureske, duhet të jemi në ekuilibër.

Pritshmëritë te Triana janë shumë të mëdha dhe humbje të tilla të ulin me këmbë në tokë. Është zmadhuar shumë opinioni me titullin kampion, unë edhe në analiza e kam diskutuar euforinë, duhet të ulemi disi me këmbë në tokë. Nuk nisem pas kësaj, e kam folur edhe më parë me lojtarët. Të shohim në ndeshjen e ardhshme me Partizanin, urojmë të bëjmë kthesë”, tha Mema.  /vipsport.al/