Mema: Mbeta i befasuar nga kushtet e stadiumit, ndeshjen e kthimit mendoj sërish formacionin

Tirana nuk arriti të merrte më shumë se një barazim në ndeshjen e parë të Kupës përballë Shënkollit. Në një prononcim për mediat pas ndeshjes, trajneri Ardian Mema u shpreh se Shënkolli i kishte vënë jo pak në vështirësi me topa pas shpine. Ndërkohë, ai shtoi se mbeti i befasuar nga kushtet e stadiumit duke qenë se priste diçka më keq.

“Mendoj se Shënkolli është një ekip i mirë. Na nxori jo pak probleme me topat pas shpine, por u munduam që ta menaxhojmë ndeshjen ashtu siç duhet. U surprizova nga kushtet që ishin fantastike, takimi u zhvillua në një terren mjaft të përshtatshëm, pasi kisha tjetër përshtypje për kushtet, ose të paktën kështu kisha dëgjuar.

Në ndeshjen e kthimit shpresojmë që të ndryshojmë shumë, pasi Shënkolli ishte një ekip që me të vërtetë më surprizoi. Sa i përket formacionit ishte cilësor, pasi Tirana ka dy ekipe, por kjo ndeshje më dha mundësinë që t’u jepja minuta edhe disa futbollistëve që ende nuk ishin aktivizuar shumë dhe kjo është normale. Në ndeshjen e kthimit do të mendojmë seriozisht, pasi duam që të kualifikohemi, ndaj do ta mendoj mirë formacionin. Siç e cilësova më lart, kjo skuadër më ka surprizuar me lojën e saj”, tha Mema. /VipSport.al/