Mema dhe Kale në konferencë: Euforia nuk na bën mirë, duhet të jemi të thjeshtë në lojë dhe deklarata

Tekniku Ardian Mema ka dalë ditën e sotme në konferencë për shtyp para ndeshjes së nesërme ndaj një rivali të drejtpërdrejt si Kukësi, ndërsa është shprehur se verilindorët kanë lojtarë të mirë dhe këto janë sfida të cilat nuk duhet t’i humbasësh. Sakaq, tekniku theksoi se me lojën dhe me deklaratat duhet të jenë të thjeshtë. Përkrah trajnerit Mema, ishte edhe sulmuesi Elton Kale. Një ish-lojtar i Kukësit, megjithatë braziliani u shpreh se ky fakt nuk përbën problem dhe kërkon të fitojë.

“Kukësi ka lojtarë të mirë në organikë, nesër duhet ta menaxhojmë ndeshjen. Këto sfida nuk duhet t’i humbasësh. Ndeshja e nesërme është një test për të matur forcat në raport me kundërshtarët. Atmosfera? Diçka fola me lojtarët pas ndeshjes me Skënderbeun dhe bërë analiza se ne na bën dëm euforia.

Entuzaizmi duhet, por opinioni sportdashës po flet para kohe, ende nuk është bërë gjysmë e fazës së parë. Euforia të nuk bën mirë, duhet të jemi të thjeshtë edhe në lojë edhe në qëndrimin dhe deklaratat pas ndeshjes. Derbi i javës së ardhshme? E kam parë Partizanin, nuk është ai i vjetshmi, të kalojmë ndeshjen nesër pastaj të shohim.

Kale: “Është thjesht ndeshja e radhës dhe nuk ka asnjë ndjesi. Kam luajtur edhe me Flamurtarin kundër Kukësit dhe i kemi mundur, dua të fitoj”.