Luftëtarit rikthehet titullari i rëndësishëm, ikën një nga afrimet e verës

Luftëtari ka bërë shumë lëvizje këtë verë, madje mund të jetë skuadra rekord në Superiore pasi ka ndryshuar thuajse tërë organikën. Por, në Gjirokastër ka lëvizje dhe para sfidës me vlonjatët që është mjaft vendimtare, në skuadër është rikthyer edhe Aurel Demo.

Ky i fundit, duket se ka gjetur gjuhën e përbashkët me drejtuesit dhe do të jetë pjesë e skuadrës edhe në sezonin e ardhshëm.

Ndërkohë, është larguar mesfushori që erdhi me bujë në verë dhe bëhet fjalë për 31-vjeçarin Blendi Muça që ka luajtur në ligat inferior të futbollit grek. Hapësirat që ai të luante në Gjirokastër kanë qenë të paktë dhe palët janë ndarë pas 4 javësh bashkëpunim.

Bluzinjtë synojnë që të lënë fundin dhe të marrom fitoren e parë në fundjavë ndaj një rivali si Flamurtari.

E.S./Vipsport.al/