Kryeministri Rama në grumbullimin e kombëtares, takim me ekipin dhe një mesazh për tifozët

Kombëtarja shqiptare e futbolli ka pasur sot një vizitor të veçantë në fushën stërvitore në hotelin ku qëndrojnë të grumbulluar kuqezinjtë në Durrës. Ekipit kombëtar sot i ka bërë vizitë kryeministri Edi Rama, i cili ka dashur të taklojë djemtë kuqezi dhe të shkëmbejë disa batuta me ta dhe me trajnerin Edi Reja.

Një mënyrë për të çtensionuar situatën pas ngjarjeve të fundit duke filluar nga ajo e himnit kombëtar në Francë, për të vazhduar me humbjen e thellë dhe ndeshjen shumë të tensionuar sot ku përveç fitores, çdo rezultat tjetër nxjerr kuqezinjtë nga rrugëtimi drejt Euro 2020.

Kryeministri ka qëndruar për disa minuta nën shoqërinë e gjithë futbollistëve e më pas është larguar, por pa ngurruar të japë një mesazh në rrjetet sociale për të gjithë ata që kritikuan përfaqësuesen shqiptare. “Kur fitojnë mbajnë radhë të të tregojnë sa të duan, kur humbet e ke ti radhën t’u tregosh se sa vlen”, ishte mesazhi i Ramës. /vipsport.al/