“Jam korçar, do ndërtoj të ardhmen në Korçë”, Radas hedh në gjyq Skënderbeun

“Klubi ku do të mbyll karrierën është Skënderbeu e më pas do të ndërtoj të ardhmen në Korccë, se jam nga Kroacia po e ndjej veten korçar”. Këto janë fjalët e dashurisë në verën e vitit 2017 nga Marko Radas, idhull për tifozerinë e Skënderbeut për shumë vite. Por vendimi i KAS ka bërë që mbrojtësi të largohet me shpejtësi pa kthyer kokën prapa as për t’i thënë mirupafshim “Korçës së tij”.

Mbrojtësi kroat, ka firmosur në Kroaci për të vazhduar e mbyllur atje karrierën, pa pasur ndër mend të kthehet më në Korçë apo në Shqipëri, duke treguar se ashtu si shumë futbollistë të tjerë, lidhja me klubin ishte thjesht monetare. Për më tepër, ai nuk ka pritur as që të bëjë një marrëveshje me drejtuesit e Skënderbeut, por i ka hedhur në gjyq këta të fundit,

Mësohet se Radas është mes atyre futbollistëve të cilët Skënderbeu u ka detyrime të rëndësishme financiare, paga e bonuse të pashlyera që nga viti kur shkëlqenin në Europë e fitonin miliona euro. Radas nuk ka pritur më dhe sapo është larguar nga Shqipëria, i është drejtuar FIFA-s duke kërkuar që të paguhet nga Skënderbeu, i cili për momentin po përballet me shumë gjyqe të tilla nga ish-futbollistët e rrezikon penalizime nëse nuk i shlyen. /vipsport.al/