Intervista për “Vipsport”, Zguro: Eurogolat s’janë rastësi, më kërkuan rikthimin në Superiore

E ka nisur karrierën te Pogradeci, aty ku ka luajtur në Kategorinë e Parë, por ka provuar për herë të parë edhe Superioren. Më pas “shtegtoi” drejt Sarandës ku luajti një sezon në Kategorinë e Parë sërish, ndërsa më pas nisi aventurën në Superiore… Fillimisht me Korabin e më pas me Luftëtarin, Kamzën e Kukësin. Nga veriorët, Zguro do të provonte edhe një eksperiencë përtej Atlantikut, në Amerikë aty ku u bë pjesë e skuadrës së “Chattanooga Red Ëolves SC”, klub që garon “USL League One”.

Zguro po spikat në këtë ligë, e madje duke treguar se është një lojtar me vlera dhe nuk është çudi që 26-vjeçari të ketë edhe oferta së shpejti nga ekipe të ligave më të larta. Në një prononcim për “Vipsport.al”, Vangjel Zguro flet për eurogolin e fundjavë së shkuar si dhe synimet që ka në të ardhmen…

-Zguro, tashmë jo vetëm titullar, por edhe lider e shënues në skuadrën tuaj, si ndiheni?

Normalisht që ambientimi ka bërë punë n e vete. Jemi një ekip cilësor që kemi synimet tona. Personalisht po mundohem që të jap më të mirën duke justifikuar besimin e drejtuesve të klubit. Ndihem shumë mirë dhe mendoj se kam bërë një zgjedhje të mirë kur erdha në Amerikë që të vijoja karrierën.

-Në skuadrën tuaj ka shumë të huaj, a ju ka ndihmuar ndopak?

Këtu është një ambient shumë i mirë. Skuadra ka qenë aktive në merkato duke afruar lojtarë nga disa shtete. Gjithsesi, synimi im është që të luaj sa më shumë, ndërsa gola e eurogola kam shënuar e në Superiore e Kategorinë e Parë në Shqipëri…

-Keni pasur oferta nga Shqipëria apo shtete të tjera?

Kam pasur por nuk ja vlen që të flas, duke qenë se jam në kontratë me një klub ku më respektojnë dhe më duan dhe për më tepër që jam duke kaluar një formë mjaft të mirë.

-Zguron do e shohim për shumë vite në SHBA apo?!

Ndihem mirë dhe dua që të ngjis shkallët e karrierës, sepse tashmë jam ambientuar shumë mirë, si në akomodim ashtu edhe në futboll. Kam dëshirë që të provojë që të luaj në elitën e futbollit amerikan. Besoj se do t’ia arrijë.

E.Saliu/Vipsport.al/