Intervista për “Vipsport”, kapiteni Rapo tregon Luftëtarin: Një vit më parë fitorja erdhi pas 4 javësh

Donald Rapo është nga të paktët titullarë të sezonit të shkuar që nuk e braktisi Luftëtarin. Jo se i mungonin ofertat, madje kanë qenë të shumta edhe nga ekipet më të mira të elitës, por ka kontratë edhe për këtë sezon me ekipin bluzi. Luftëtari ka qenë ndryshe nga sezonet e shkuara, madje në verë te gjirokastritët ndodhën lëvizje të shumta lojtarësh, largime e afrime. E megjithatë, bluzinjtë nuk dorëzohen, madje në stol  për më pak se një muaj kanë provuar tre trajnerë…

Donald Rapo, i cili bashkë me Demon, Açkën, Kukajn, Hysenin, Filin e Oshafin nga sezoni i shkuar do të përbëjnë “gardën e vjetër” të bluzinjve që kanë si synim mbijetesën. Në një intervistë për “Vipsport.al”, Rapo flet për Luftëtarin e këtij sezoni, synimet dhe të ardhmen e tij dhe skuadrës bluzi…

-Rapo, me shiritin e kapitenit, si ju duket Luftëtari i këtij sezoni?

Po ka pasur ndryshime dhe ka pasur oshilacione në start, megjithatë, tashmë situate është shumë më ndryshe dhe besoj se jemi në rrugën e duhur. Tashmë duhet që të punojmë sa  më shumë, të konsolidohemi dhe natyrisht, ajo që është më kryesorja duhet që të grumbullojmë sa më shumë rezultate pozitive…

-Përmendët ndryshimet, por a nuk mund të ndikojnë për negativisht?

Natyrisht që po ndikojnë shumë madje në futboll, por besoj se e kemi kaluar të keqen më të madhe, kam besim se Luftëtari tashmë është në rrugën e duhur.

-Pas tre javësh gjeni, fitorja vjen vetëm në javën e katërt…

Port ë mos harrojmë që vjet fitorja ka ardhur në javën e pestë, pra pas katër ndeshjeve dhe në fund ne mbijetuam.

-Dakord, por vjet me përjashtim të Bregut dhe Abazajt e ndonjë tjetër nga skuadra që vinte pas Europës, në Superiore ka qenë një Luftëtar me të vërtetë cilësorë..

Edhe këtë vit kemi një përbërje shumë të mirë, në ekip ka shumë cilësi por ka edhe shumë djem të rinj. Por, edhe eksperienca nuk mungon sepse jemi disa lojtarë që  e njohim mirë Superioren. Pas pak javësh të gjithë do të shohin një Luftëtar që ka brenda kualitete dhe cilësi, por nuk do të mungojnë as rezultatet…

Intervistoi: Erjon Saliu/Vipsport.al/