I jepte hamburger falas kur Ronaldo ishte i varfër, zbulohet “bamirësja”

Zbulohet bamirësja e cila i jepte Kristiano Ronaldos hamburger falas në vitet kur ky i fundit ishte i varfër dhe praktikisht bashkime disa shokë luteshin për ushqim para restoranteve. Një grua portugeze është identifikuar si një nga personat që kishte ndihmuar futbollsitin në ato vite ku ai pranoi se ishte lutur për ushqim pasi familja ishte në vështirësi të mëdha financiare.

Ylli i futbollit, tashmë një nga sportistët më të pasur në botë, në një intervistë të dhënë në Angli lëshoi një apel publik për punonjëset e McDonalds që e kishin ndihmuar me ushqime në ato vite, duke i ftuar në Torino.

Sot, portugezja Paula Leca pranoi për mediat vendase se kishte qenë një nga punonjëset në ato vite. “Ata do të vinin para restorantit tonë dhe kur kishin mbetur hamburger, menaxheri na lejonte ne t’ua jepnim. Një nga ata ishte Kristiano dhe ishte më i turpshmi nga të gjithë. Ndodhte thuajse ccdo natë, gjatë gjithë javës.

Ia kisha thënë djalit tim këtë por mendoi se tallesha, pasi nuk kishte mundësi që mamaja e tij t’i kishte dhënë ndonjëherë hamburger Kristiano Ronaldos. Bashkëshorti im e dinte pasi vinte shpesh të më merrte në punë dhe e ka parë atëherë. Fakti që e ka treguar pas kaq shumë vitesh, tregon se sa person i përulur është. Tani të paktën njerëzit e dinë se nuk është një trillim”, tha ajo, duke konfirmuar se do të pranonte me kënaqësi ftesën e Ronaldos. /vipsport.al/