“Humor gjerman, nuk e kuptoi askush”, Klop detyrohet të japë shpjegime në konferencë për shiun

“Moti i keq në Angli mund të dëmtojë negociatat e Jurgen Klop me Liverpulin”. Kjo deklaratë e një prej miqve të ngushtë të trajnerit, Mark Kosiçke, ka shkaktuar panik te Liverpuli ku po mendojnë se si të zgjatin kontratën e teknikut e cila mbaron në vitin 2022.

“Kontrata e Jurgen përfundon në vitin 2022 dhe nuk është sekret që klubi dëshiron ta rinovojë. Ka ende kohë për të. Të presim e të shohim se si rrjedhin situatat dhe nëse ngrohja globale do të sjellë kohë më të mirë edhe në Angli përveçse në Gjermani”, ishin fjalët e Kosiçke për mediat gjermane. “Nuk duhet të nënvlerësoni kohën e keqe. Më kujtohet që në nëntor apo dhjetor, Liverpuli i ofroi Klop rinovimin dhe unë thashë që të pritnim pak. Ulla (gruaja e Klop) dhe Jurgen zgjohen në mëngjes dhe është errësirë. Kur takohen përsëri pasdite është gjithashtu errësirë apo është ngjyrë gri dhe po bie shi”, janë fjalët e tij.

Fjali të cilat kanë bërë bujë në Angli e kanë detyruar Klop që në konferencën për shtyp para ndeshjes me Napolin të jepte versionin e tij. “Ai dëshironte të bënte shaka ndaj më duhet të tregohem serioz. Ishte humor gjerman dhe askush nuk e kuptoi. Moti nuk ishte arsyeja që unë pranova punën. Mund ta bëni edhe këngë që të mos transferohesh në Liverpul në tetor, se ishte ftohtë dhe errësirë atëherë. Sa për informacion, ai është një mik, nuk është as menaxheri im dhe miqtë mund të thonë çfarë të duan. Ai e bëri këtë dhe askush nuk e kuptoi shakanë e tij”, sqaroi Klop këtë situatë që u kthye në temë dite në Angli. /vipsport.al/