Halili: Kemi bërë merkato të goditur si me Ildën dhe Alesia Bamin. Babai nuk e kuptoi kush e bëri golin

Grent Halili është kthyer në këto javë në personazhin kryesor të Tiranës, pasi po shënon me rregullsi dhe po zgjidh situatat e vështira për bardheblutë. Megjithatë, në “Procesi Sportiv” ai argumentoi se kjo ngritje e Tiranës nuk ishte vetëm meritë e tij, por fillonte që nga cilësia që ishte shtuar në përmbajtjen e saj.

“Stresi është gjithmonë i pranishëm, do të jetë deri në fund, se duhet të mbash vazhdimësinë. Për atë bluzën që hoqa jam penduar se kam ende për të bërë nga ana fizike.

Këtë vit na është shtuar disi cilësia në ekip. Këtë vit drejtuesit kanë bërë merkato të goditur si emisioni me Ildën dhe Alesia Bamin. Na është shtuar besimi dhe kjo na shtoi besimin për të fituar, na është shtuar uria. Nuk duhet të jemi euforikë se nga unë i pari, jemi disi në fakt. Duhet të jemi me këmbë në tokë se kemi parë në futboll se gabojnë të gjithë. Duhet të dimë si ta përballojmë, me Partizanin do të fitojmë sesbën këtë vit.

Nuk e prisja të shënoja, sigurisht që është gëzim i madh kur futesh e je vendimtar në ndeshje të rëndësishëm. Rëndësi ka që fituam ndeshjen në fund. Babai nuk feston ndonjëherë golat e mi, por për ta justifikuar këtë radhë nuk e kishte parë kush e ka bërë golin, e kishte kuptuar nga miqtë që kishte afër. Na ka premtuar bonus mua dhe Osmanit, por ka filluar të na shmanget tani. Njihet si presidenti i surprizave, nëse vazhdojmë në këto dy ndeshje do ketë premio për mua dhe për gjithë stafin”, tha Halili. /vipsport.al/