Goditja e madhe për  Superioren, Besëlidhja gjen akordin me mesfushorin që spikati te Teuta e Flamurtari

Besëlidhja këtë sezon synon që të ngjitet në Superiore. Presidenti Gjok Noka ka afro një dekadë e gjysmë që investon për të çuar skuadrën në elitë. Por duket se këtë sezon, presidenca lezhjane e ka marrë shumë seriozisht, madje e ka “fiksim” që të ngjisë Besëlidhjen në elitë.

Konkurrenca është e madhe, madje, në Grupin A ka ekipe që kanë qenë në elitë, por kanë edhe traditë. Dhe bëhet fjalë për Erzenin, Kastriotin e ndonjë tjetër që duan Superioren. Lezhjanët këtë sezon duken një hap para.

Noka i besoi stolin shkodranit të mirënjohur, Elvis Plori, ashtu siç edhe ka mbajtur titullarët e sezonit të shkuar. Por, jo vetëm kaq. “Bomba” e merkatos është rikthimi pas dy sezoneve i mesfushorit shtatlartë, Lancinet Sidibe, i cili fillimisht u tha se do luante në Guine por qe do të vijojë karrierën në Lezhë.

Sidibe ka edhe një vit kontratë dhe është në pronësi të Besëlidhjes që duket e këtë sezon e ka rikthyer pasi synon që të ngjitet në elitë patjetër dhe një futbollist si Sidibe që luan në mbrojtje në qendër si dhe mesfushë do t’u bënte shumë punë lezhjanëve në synimet që kanë këtë sezon.

E.S./Vipsport.al/