Gjoka: Tirana po i jep bukuri kampionatit, Halili është kthyer në lokomotivë

Ernest Gjoka mendon se në këto javë të para të kampionatit, Tirana është skuadra që po i jep bukurinë këtij sezoni, ndërsa nuk janë zgjuar ende skuadra të tjera si Partizani e Kukësi. Në “Pressing” ai deklaroi se për momentin, skuadra po bënte gjithçka mirë e udhëhequr nga një lojtar i cili kishte bërë diferencën, Grent Halili.

“Tirana e ka filluar me një start ndryshe, po i jep bukuri kampionatit dhe po lufton me veten. Ka marrë kreun, i ka dhënë bukuri kampionatit, pritet më shumë nga Partizani e Kukësi, për t’i dhënë bukurinë më shumë këtij sezoni.

Tirana ka çdo gjë për të pasur stofin për të luftuar për kampionatin, por duhet të dinë të menaxhojnë presionin. Nëse do hyjnë në presin për fitore do të humbin pikë, i duhet qetësi dhe strategji për të kaluar çdo ndeshje me sukses. Kampion nuk dilet as në shtator e tetor, kampionati është 10 muaj e duhet të dish ta menaxhosh, duhet të dish të mbash presionin. Kur të jenë momente të vështirë duhet të dinë t’i kalojnë të gjithë bashkë, edhe stafi edhe tifozët edhe lojtarët

Halili ka bërë lokomotivën te Tirana, po kthehet në lojtar kyç te tiran dhe nuk është kollaj, se po mban presion shumë të madh, se është djali i presidentit, se ka blerë emra të mëdhenj në sulm. Po bën shumë mirë, është lojtari momentit te Tirana. Ai po luan dhe po i jep një ndihmë skuadrës, duhet të shfrytëzojë sa më shumë këtë moment”, tha Gjoka. /vipsport.al/