Duro: Shkurtaj duhet ta mbyllte me 3-0. Nuk e ha kaq lehtë presionin e Gjicit

Trajneri i Kukësit, Shpëtim Duro, e pa fitoren e sotme ndaj Trianës si një reagim të njëjtë me atë që kishte shfaqur ekipi pas humbjes në Supërkupë. Në deklaratën për SuperSport, trajneri theksoi se ekipi kishte bërë mirë, por duhej ta kishte mbyllur ndeshjen me golin e tretë.

“Në ndeshje të tilla patjetër që duhet një lojë racionale, e kujdesshme për të shfrytëzuar situata të veçanta. Kam mendimin që në një ndeshje Tirana vinte psikologjikisht më mirë se ne, e kam thënë edhe pas humbjes që situata nuk ishte e mirë, por falënderoj ekipin që reagoi e fitoi me një ekip të mirë. Skuadra reagoi si në Superkupë pas humbjes me Partizanin ku luajtëm jashtëzakonisht mire më pas në kampionat.

Gavazaj ka bërë një ndeshje jashtëzakonisht të mirë, edhe pse I dëmtuar. Ka luajtur shumë mirë, sidomos treshja e sulmit. Janë futbollistë që duan kohë se fatkeqësisht në sezonin e kaluar nuk kishin minuta. Në këtë impiant, në momente të veçanta bëjnë diferencën.

Kishte trysni, se nëse humbnim sot nuk e kapnim kreun. Në 20 minutat e fundit me Shkurtajn mund të bënim tre egola, por kur shënoi Tirana, sigurisht krijohet tensioni. Por para golit Shkurtaj duhet ta çonte ndeshjen në 3-0. Aty duhej ta zgjidhte Shkurtaj e mbaronte loja.

Takimi I Gjicit? Nuk ka pasur asnjë lloj presioni, kam dy muaj këtu e jam takuar dy herë me z, Gjici se ka angazhime të tjera, as në stadium nuk ka ardhur. Kam 22 vite trajner, nuk është e lehtë, kam kaluar shumë presidentë e nuk është e thjeshtë të ha kaq lehtë presionin”, tha Duro. /vipsport.al/