Dalipi: Partizani i papërgatitur, lë për të dëshiruar paraqitja e Asanit dhe Bardhit

Tirana e sheh veten në vendin e parë pas 4 javësh kampionat dhe për Klevis Dalipin, kjo renditje vjen edhe si pasojë e hapave fals të kundërshtarëve. Në emisionin “Sport News Plus”, ai u shpreh se Tirana nuk ka pasur prova reale deri më tani.

“Këto katër javë dhe sidomos e sotmja, nxjerr në vend të parë Tiranën që avantazhohet dhe nga hapat fals të kundërshtarit. Këto 4 javë Tirana ka bërë mirë dhe nuk ka bërë asnjë gabim përveç barazimit. Tirana është një hap para edhe pse nuk është përballur me rivalë kryesorë. Javët në vazhdim do të shihet sa kockë e fortë është, kur të luajë kundër Kukësit e Partizanit”, tha Dalipi

“Partizani ka shkuar thuajse i papërgatitur në çdo pikëpamje pasi Partizani e di mirë që fusha e Laçit kërkon lojtarë agresiv sidomos në majën e sulmit. Lë për të dëshiruar performanca e dy emrave që kanë qenë pikë referimi si Bardhi e Asani, bënë shumë pak para portës kundërshtare, ishin të pafuqishëm dhe kjo është si mungesë e agresivitetit apo paraqitjes. Kurse për Laçin më ka pëlqyer edhe pse nuk ka marrë rezultate, skuadër solide që ka pasur shanset e saj, vazhdon me një trajner që nuk del nga detyra dhe njeh mirë kampionatin shqiptar. Paraqitja e Partizanit ndodhi edhe në pjesën e dytë, edhe pse ndërroi skemë, se nuk vertikalizuan sulmuesit, nuk shkuan pas shpinës në pjesën e parë, në pjesën e dytë Laçi u bë më solid, Partizani u tërhoq mbrapa dhe u bë e pamundur që Partizani të depërtojë”, tha ai. /vipsport.al/