Canka ka besim: Derbin me Apoloninë e fiton Lushnja

Mikel Canka është një nga lojtarët që është rikthyer në Lushnjë dhe ka besim, se skuadra do të rikthehet në elitë. Bashkë me shtatlartin Fatjon Sefa, pritet ë të krijojnë një dyshe të frikshme në vijën e parë në radhët e lagunarëve.

Derbi me Apoloninë është i rëndësisë së veçantë dhe në Lushnjë një sfidë e atillë ngjall interes për publikun ë të dielën në “Adush Muça” ku edhe do të luhet ndeshja do të jenë të shumtë duke premtuar mbështetje. Mikel Canka që ka luajtur në Fier më parë, për “Rtshsport”, para derbit ka pohuar: “Lushnja këtë sezon e ka nisur me synime madhore garën dhe unë kam besim, se ne do t’ia dalim. Gara është e gjatë dhe e vështirë, ka konkurrencë dhe rivalitet. Ne do të japim më të mirën”.

“Sa i përket derbit, Lushnja ka një ekip me më shumë cilësi, me më shumë eksperiencë dhe kualitete. Apoloninë e njoh është një klub mjaft i organizuar dhe besoj se ne do të dalim të fituar. Megjithatë , takimi është i hapur, e rëndësishme është që ne jemi përgatitur dhe duam që të japim më të mirën”, – tha Canka duke mbyllur prononcimin e tij.

E.S./Vipsport.al/