Bushi i jep dorën e fundit përgatitjeve për Francën, formacioni i Shpresave premton shumë

Shqipëria U21 do të luajë nesër ndeshjen miqësore ndaj Francës U21. Prej pak ditësh, Shqipëria gjendet në Francë ku po përgatitet për këtë ndeshje dhe nesër, do të zbresin në fushën e blertë. Pasditen e sotme, skuadra ka zhvilluar edhe stërvitjen e fundit në prag të sfidës së nesërme dhe Bushi ka krijuar një ide të qartë rreth formacionit.

Qetësinë e ka rigjetur në portë pasi me skuadrën është rikthyer Gentian Selmani. I grumbulluar ndeshjet e fundit me Kombëtaren A, Selmani është një përforcim i rëndësishëm për këtë ndeshje. Maloku, Ndrecka, Mersinaj dhe Bajrami pritet që të rreshtohen në mbrojtje.

Sakaq, Julian Shehu e Esat Mala nga Kategoria Superiore mund ta nisin titullarë në mesfushë ndërkohë që sulmi do t’i besohet Xhakomo Vrionit. Ai do të ndihmohet nga Mucolli dhe Kolaj e Imeri në krahë, megjithëse ky i fundit është në balotazh me Redon Xhixhën. /Erjon Allaraj-VipSport.al/

Formacioni i mundshëm:

Selmani, Maloku, Bajrami, Mersinaj, Ndrecka, Shehu, Mala, Mucolli, Kolaj, Imeri, Vrioni