Boban zbulon “shefin” në dhomat e zhveshjeve të Milanit: Në derbi është favorit Interi

Zvonimir Boban mendon se Milani nuk do të jetë favorit në derbi, edhe pse e di që është një ndeshje krejtësisht ndryshe nga të tjerat. Gjatë një evenimenti promocional, ai ka folur rreth situatës së skuadrës në javën e ndeshjes që për shumë tifozë është më e rëndësishme se ecuria në kampionat.

“Kemi bërë pikë, por shpresonim që të ishim pak më para. Ky është një proces, një fillim. Edhe Interi do të përmirësohet me kohën. Ata janë pak më favoritë se ne, edhe pse është gjithmonë e e hapur, 50 me 50. Duhet të kontrollojmë emocionet në derbi, edhe unë e kam paguar në një ndeshje të tillë. Derbi është ndryshe nga ndeshjet e tjera.

Për të rinjtë në ekip duhet pak kohë, pastaj ata që janë të aftë kuptohen mirë mes tyre. Shpeshherë që pas dy stërvitjesh e ndjen që ke sintoninë me disa futbollistë.

Mungon njeriu që mbledh ekipin në dhomat e zhveshjeve? Në realitet ka. Ishte një merkato absurde, mes një mijë menaxherësh që duan të të shpjegojnë futbollin. Mes një mijë gjërave kam kuptuar se Donaruma është ai njeri. Ka shumë pasion, shumë milanizëm brenda tij pavarësisht moshës së re. Ai ka shuëm peshë”, tha drejtuesi i Milanit. /vipsport.al/