Bare: Ishim agresivë, për Kombëtaren do jem gjithmonë si nga stoli ashtu edhe në fushë

Keidi Bare pas ndeshjes së mirë në Francë, konfirmoi vetveten e tij në ndeshjen e djeshme ndaj Islandës. Mesfushori u shpreh se ekipi i pëlqeu se ishte agresiv, ndërsa shtoi për Kombëtaren do të jetë gjithnjë aty për ta ndihmuar si nga stoli ashtu edhe nga fusha.

“Ishim në një moment shumë të vështirë dhe kjo fitore më ngre moralin mua dhe të gjithë ekipit dhe besoj se bëmë një ndeshje të madhe dhe shpresoj që të ecim me këto ritme. Me thënë të drejtën me Francën nuk ishte humbje, pasi Franca është kampione e botës dhe kam dëgjuar shumë kritika ndaj çunave, por dua të them se Shqipëria do rikthehet shumë shpejt atje ku meriton të jetë.

Vlerësimet e marra për ndeshjen me Francën? Ndihem mirë, por nuk vlen pasi humbëm 4-1 dhe nuk luan një lojtar në fushë por janë 11. Kështu tani Franca ka kaluar, fituam me Islandën dhe jam i lumtur. Ishim shumë agresivë dhe luajtëm shumë mirë me topin, kishim qarkullimin.

Besoj se kjo gjë i bëri shumë dëm Islandës. Me çdo lojtar që luan ndjehem mirë në fushë. Gati për të marrë përsipër mesfushën? Këtë e vendos trajneri gjithmonë jap maksimumin si në pankinë si në fushë, do jem aty për ekipin dhe shpresoj që edhe në ndeshjen e tjera të jemi në këtë nivel”, tha Bare.