Avdyli: Teuta synime madhore në të dy kompeticionet, ja ndryshimi mes Kosovës dhe Shqipërisë

Teuta luan me Skënderbeun në Korçë dhe durrsakët janë duke i dhënë dorën e fundit përgatitjeve për transfertën delikate me korçarët. Në Durrës janë optimistë dhe deri më tani nuk e kanë provuar shijen e humbjes  duke shpalosur synimet madhore për këtë kampionat.

Në konferencën e sotme për shtyp, në krah të trajnerin Blendi Shkëmbi ka qenë edhe mesfushori Florent Avdyli, një nga më të mirën për skuadrën e trajnerit korçar të durrsakëve që në prag të transfertës me bardhekutë në Korçë ka pohuar:

“Synimet tona nisin aty ku e kemi lënë vjet, të kapim një nga tri vendet e para. Për sa i përket pretendimit për titull, është akoma shpejt të flasim, por nuk mund ta fsheh se te gjithë kemi një dëshirë të tillë. Gjithashtu, ekipi ynë ka pretendime edhe në Kupë, do të mundohemi t’ia bëjmë hyzmetin deri në fund”.

Florent Avdyli e ka nisur karrierën në Kosovë dhe ai nuk ngurron që të bëj edhe dallime mes futbollit të të dyja shteteve. “Normalisht që të dy kampionatet kanë veçoritë e tyre. Në çdo kampionat shkalla e vështirësisë është e lartë. Këtu futbolli është më taktik, ndërsa ai i Kosovës mendoj që është më i luftuar, më i fortë”.

E.S./VipSport.al/