Apolonia luan derbi, klubi u bën thirrje tifozëve: Të gjithë bashkë drejt Superiores

Apolonia këtë fundjavë do të luajë ndeshjen derbi me Lushnjën, një duel i parakohshëm mes dy ekipeve që duan elitën në Grupin B të Kategorisë së Parë.

Me fierakët që kanë qenë shumë aktivë dhe të “etur” për elitën, ndërsa lushnjarët pa shumë zhurmë, por me pretendime për t’u rikthyer në futbollin e madh.

Klubi fierak këtë sezon ka menduar edhe për tifozët, ndaj edhe duke qenë se “Derbi i Myzeqesë” do të luhet në Ballsh është menduar që të ketë një mbështetje edhe për tifozët dhe organizim perfekt që skuadrës të mos i mungojë mbështetja dhe të ndihet si në shtëpi, aq më tepër që distanca nga Fieri në Ballsh nuk është më shumë se 20-25 minuta.

Sfida është vendosur dhe do të zhvillohet ditën e shtunë në orën 16:00. Ja postimi i klubit fierak pak minuta më parë…

Klubi ka vendosur në dispozicion një autobusë falas deri më tani për tifozët, por nëse interesimi do të jetë më i madh mund të ketë edhe një mjet tjetër për të mundësuar udhëtimin falas për ultrasit drejt Ballshit dhe që mbështetja të jetë maksimale për fierakët në këtë sfidë derbi.

E.S./Vipsport.al/