Allmuça: Dinamos i kanë mbetur vetëm 4 lojtarë nga vjet, me Shkumbinin mendojmë vetëm fitoren për tifozët

Në prag të ndeshjes së nesërme, me Shkumbinin në kryeqytet, trajneri i Dinamos Igli Allmuça ka pohuar: “Duhet mbështetje maksimale për skuadrën, i duhet dhënë shumë kurajë djemve se me të vërtetë po përpiqen shumë për të dhënë më të mirën. Nga skuadra e sezonit të shkuar, pra nga 18-shja kam vetëm 4 lojtarë”, – tha Allmuça fillimisht.

“Lojtarët e afruar vetëm dy javë para kampionatit duan kohën e tyre. Natyrisht që kanë shumë cilësi, por rezultate kam besim  se nuk do të mungojnë dhe besoj se shumë shpejt do të shohim Dinamon aty ku i takon, sepse një skuadër nuk mund të ndërtohet sa hap e mbyll sytë në qoftes e ka objektiva madhorë”.

Tifozët

“Tifozët janë oksigjeni dhe unë e kam thënë që kanë qenë dhe mbeten aleati i vetëm i kësaj Dinamo në këto vitet e fundit. I ftoj që të na mbështesin dhe të jenë të shumtë. Unë e thash ky grup po bën më të mirën që të përfaqësoj denjësisht Dinamon. Ndaj Shkumbinit duam 3 pikët”, – tha Igli Allmuça, trajneri i skuadrës së Dinamos.

E.S./Vipsport.al/