Shqipëria U19 starton grumbullimin, kuqezinjtë me mision në Kroaci

Shqipëria U 19, nën udhëheqjen e trajnerit Nevil Dede, ka nisur ditën e sotme grumbullimin teksa do të marrë pjesë në “International Memorial Tournament”. Një turne i cili do të zhvillohet në Kroaci, prej datës 8 deri më 11 gusht.

Kështu, kuqezinjtë i japin jetë përgatitjeve teksa do të jenë të grumbulluar në Shkodër. Për këtë turne, tekniku Dede ka përpiluar një listë prej 19 futbollistësh, teksa bie në sy se prezenca më e madhe është nga Kategoria Superiore, por nuk mungojnë as lojtarë që aktivizohen në Itali apo Kroaci.

Ndërkaq, gjatë ditëve në Kroaci, Shqipëria U 19 do të përballet me kundërshtarë si Real Madrid, Olimpia Ljubjanë dhe Dinamo Zagreb. Më poshtë lista e të grumbulluarve nga tekniku Dede: