Marrin fund dilemat për Hysajn, “agjenti llafazan” zbulon të ardhmen e mbrojtësit shkodran

Elseid Hysaj lakohej shumë këtë merkato dhe shihej si futbollisti që kërkohej nga shumë skuadra si në Spanjë, ashtu edhe në Itali e në Angli. Megjithatë, gjithçka ka marrë fund dhe e ardhmja e Hysajt mbetet e pandryshuar të paktën deri në janar, kur do të hapet sërish merkatoja.

Ka qenë vetë agjenti i tij Mario Xhufredi, ai që tha se Hysaj do të jetë futbollist i Napolit. Në një intervistë të dhënë për mediat italiane, Xhufredi foli për merkaton dhe dëshirën e Biragit për të shkuar te Interi, duke bërë sërish gabim si në kohën kur shprehej se Hysaj ka dëshirë të largohet nga Napoli.

“Biragi? E ardhmja e tij vendoset nga Fiorentina, megjithatë futbollisti ka dëshirë të largohet. Nuk duhet të harrojmë se nga Fiorentina, kapi kombëtaren dhe vetë shoqëria, mund të vendosë nëse e çon apo jo te Interi.

Hysaj? Ai do të qëndrojë te Napoli. Riberi? Ishte një transferim i bukur dhe entuziazëm që në Firence ka munguar për shumë kohë. Do të jetë mirë edhe për Biragin pasi Riberi do t’i stimulojë të gjithë”, u shpreh Xhufredi. /Erjon Allaraj-VipSport.al/