Lista / Lojtarë nga kampionatet më të forta në Europë, Shqipëria U17 mblidhet për dy miqësoret

Përfaqësuesja shqiptare e futbollit U17 do të nisë që nga dita e nesërme grumbullimin e saj për dy miqësoret e planifikuara në javën e ardhshme ndaj Bosnjë Hercegovinës. Ekipi i drejtuar nga Elvin Beqiri do të grumbullohet në qytetin e Shkodrës për të përgatitur atje ndeshjet e radhës të kuqezinjve në një grumbullim që ka shumë rëndësi pasi në këto miqësore do të fillojë të konsolidohet dhe ekipi që do të marrë pjesë në kualifikueset e Europianit.

Në listën me 20 emra bie në sy se janë ftuar lojtarë nga akademitë në kampionatet më të forta në Europë. Aty ka përfaqësues nga klube italiane, spanjolle, gjermane, angleze, holandeze apo edhe nga kampionati grek. Sigurisht, ka edhe përfaqësues nga futbolli shqiptar, me 9 lojtarë të pranishëm në listë.

Ndeshjet e Shqipërisë do të luhen në Zenica më 13 dhe 15 gusht, ndërsa do të shërbejnë për eliminatoret e Europianit të kësaj grupmoshe, të cilat luhen në muajin nëntor ndaj Portugalisë, Ukrainës dhe Gjeorgjisë. /vipsport.al/