Liga e Europës / Disfata për Eintraht Frankfurt dhe Torinon, asnjë kuqezi në fushë

Ndeshjet e sotme të Ligës së Europës kanë dhuruar rezultate të rëndësishme pasi kanë përcaktuar rrugëtimin e shumë skuadrave drejt fazës në grupe. Kjo, pasi sot ka pasur shumë rezultate të pastra në ndeshjet e para të play-off të turneut, me skuadra si Astana, Fejenord, PSV, Trabzonspor e Malmo që kanë regjistruar rezultate bindëse.

Surpriza e madhe sot ishte humbja 1-0 e Eintraht Frankfurt, gjysmëfinalist i edicionit të kaluar, në fushën e Strasburg. Goli i Zohi në pjesën e parë ishe ai që vendosi sfidën në favor të francezëve që do të përpiqen të administrojnë gjithçka në duelin e kthimit.

Torino është mundur 3-2 në fushën e vet nga Ullvërhempton duke komplikuar gjithçka për ndeshjen e kthimit. Vetëm një penallti e Belotit në minutat e fundit të sfidës u jep paksa shpresë italianëve se mund të bëjnë diçka më shumë në takimin e kthimit pas një jave.

Ndërkaq, bie në sy se fubtollistët e përfaqësueses shqiptare kanë qenë thjesht spektatorë në duelet e sotme. Herdi Prenga ishte i vetmi që iu afrua fushës së lojës, duke qenë në pankinë në ndeshjen që Riga humbi 3-1 ndaj Kopenhagës. Ndërsa emra si Kaçe, Mihaj apo Grezda as nuk ishin në planet e trajnerëve të tyre për sfidat përkatëse duke ndjekur duelet nga televizori.

NDESHJET
Astana-BATE 3-0
Ararat Armenia-Dudelanzh 2-1
Malmo-Bnei Jehuda 3-0
Suduva-Ferencvarosh 0-0
Fejenord-Hapoel Ber Sheva 3-0
Ludogorets-Maribor 0-0
Kopenhagë-Riga 3-1
Legia-Rejnxhërs 0-0
AEK-Trabzonspor 1-3 (Klikoni në ndeshje per lajmin)
AZ Alkmar-Antverp 1-1
Gent-Rijeka 2-1
PSV-Apollon 3-0
Strasburg-Eintraht-Frankfurt 1-0
FCSB-Vitoria Gimaraesh 0-0
Braga-Spartak Moskë 1-0
Linfilld-Karabak 3-2
Sëlltik-AIK 2-0
Espanjol-Zoria 3-1
Partizan-Molde 2-1
Slovan Bratislava-PAOK 1-0
Torino-Ullvërhempton 2-3