Konfirmohet një tjetër ftesë për të Shpresat, thirret edhe mesfushori i grumbulluar nga Reja

Shqipëria U21 do të zhvillojë në muajin shtator dy ndeshje ku fillimisht do të përballet me Francën në një miqësore, të planifikuar të luhet në datën 5. Më pas, ai do të luajë ndaj Austrisë në ndeshje zyrtare në datën 9 shtator përballë Austrisë.

Në prag të këtyre takimeve, trajneri Alban Bushi ka nisur të shpërndajë ftesat për futbollistët që do të jenë të grumbulluar në këto takime. Së fundmi, ftesa ka mbërritur edhe në Spanjë te mesfushori Kleandro Lleshi i cili aktivizohet me Fuenlabradën në Ligën e Dytë.

I huazuar nga Leganesi, Lleshi rikthehet te shpresat pasi edhe pak javë më parë ishte grumbulluar dhe luajti në miqësoren ndaj Uellsit, por duke pësuar një dëmtim. Atë kohë, Lleshi grumbullohej edhe nga skuadra e parë, ku ishte Edi Reja ai që i mbajti për disa kohë nën vëzhgim. /Erjon Allaraj-VipSport.al/