Kolashinac dhe Ozil nuk mjaftohen vetëm me përplasjet me thika, lihen jashtë edhe nga trajneri

Pak ditë më parë, dy agresorë sulmuan yllin turko-gjerman Mesut Ozil, të cilin e shpëtoi ndërhyrja e shokut të skuadrës, Sead Kolashinac. Ky incident, u pasua me një tjetër përplasje dhe klubi i Arsenalit e jo vetëm, u detyruan që të vënë roje private para hyrjes së mesfushorit për të siguruar jetën e tij.

Sakaq, dyshja e futbollistëve janë lënë jashtë edhe për ndeshjen e parë të kampionatit, si edhe pritet të jenë sërish jashtë për disa ditë. Shkak për këtë lënie jashtë, është bërë situata e krijuar dhe mendohet se është zgjidhja më e sigurt për dy futbollistët që po përballen me sulme të vazhdueshme.

Megjithëse policia angleze bëri të mundur arrestimin e dy personave që dyshohen si agresorët që sulmuan Ozilin, sërish nuk ka qetësi ku tashmë të kërcënuar ndihen të gjithë futbollistët e Arsenalit. Ende nuk është zbardhur asgjë dhe nuk dihen arsyet që i kanë shtyrë agresorët që të sulmojnë dy futbollistët. /Erjon Allaraj-VipSport.al/