Edhe Kategoria e Parë në fushë për miqësore. Fitore për Kastriotin, Lushnjën e Egnatian por ndalet Erzeni

Nuk kanë qenë vetëm skuadrat e Kategorisë Superiore ata që kanë zbritur në fushën e lojës sot për të luajtur miqësore. Në fushë kanë qenë edhe disa prej ekipeve të së Parës të cilat po bëjnë fazën përgatitore për sezonin e ri, ndërsa aktualisht shumë prej tyre janë në fazën e përzgjedhjes së lojtarëve.

Kastrioti ka arritur fitoren e radhës duke mundur me shifrat 2-1 Shënkollin, për të konfirmuar se është një pretendent për kthimin sa më parë në Superiore. Pritej që rival në grupin e tij të kishte Erzenin por ky i fundit është mundur me shifrat 2-1 nga Turbina duke treguar se ka ende shumë për të bërë para startit të sezonit.

Egnatia që është riformatuar së fundmi, ka arritur të marrë një fitore duke mposhtur me rezultatin 1-0 Shkumbinin. Ndërkohë, nga skuadrat e Grupit B, përballja mes Lushnjës dhe Orikut është mbyllur me suksesin 2-1 të lushnjarëve të cilët nisin sezonin me pretendime për t’u kthyer në elitë. /vipsport.al/

Ndeshjet
Turbina-Erzeni 2-1
Shkumbini-Egnatia 0-1
Lushnja-Oriku 2-1
Kastrioti-Shënkolli 2-1