Durmishajn e zë mallkimi i shqiptarëve, tashmë e shohin si të pavlefshëm te Olimpiakos

Pak muaj më parë, Fioin Durmishaj po shkëlqente në kampionatin grek me skuadrën e Panioniosit, paraqitje e cila bëri që Greqia ta merrte në gjirin e saj. Zgjedhja për të braktisur Shqipërinë, nuk i ka shkuar edhe aq mirë futbollistit, duke qenë se prej muajsh nuk arrin të shënojë dhe golin e fundit e ka në muajin shkurt.

Paraqitjet që po bën me Olimpiakosin në ndeshjet miqësore por edhe një stërvitje, nuk i kanë bindur aspak drejtuesit të cilët tashmë po mendojnë një alternativë tjetër. Sulmuesi do të huazohet këtë sezon në një tjetër skuadër greke, aty ku mund të ketë më shumë minuta dhe në fund të sezonit, do të rikthehet në skuadër sërish, por duke qenë sërish në provë.

Në ndeshjen e fundit në Ligën e Kampionëve, Durmishaj nuk ishte as në stol ndaj Bashakshehirit, ndërkohë që edhe fitoren e thellë 4-0 ndaj Plzenit, ai e shijoi vetëm nga stoli. Me fanellën e Olimpiakos, Durmishaj ka luajtur në dy ndeshje miqësore ku nuk ka arritur të lërë asnjë gjurmë. /Erjon Allaraj-VipSport.al/