Zidan: Klubi e di se çfarë na duhet, me Bejlin nuk ka ndryshuar asgjë që nga qershori

Greth Bejl duket se nuk ka më të ardhme në klubin madrilen dhe pritet që së shpejti të largohet nga Reali. Marrëdhënia e tij me drejtuesit apo edhe trajnerin Zidan, nuk është më e mira dhe duket se nuk ka në plan të ndryshojë, sidomos me afrime e reja që Reali ka bërë deri më tani dhe pritet të bëjë në vazhdim.

Trajneri francez, u shpreh në një konferencë për shtyp se asgjë nuk ka ndryshuar mes tij dhe Bejl që nga qershori, muaj ky në të cilin situata nuk ishte aspak e qetë mes palëve. Bejl duket se nuk është i preferuari i Zidan dhe largimi është i pashmangshëm, sidomos pasi trajneri francez nuk po shpreh mbështetje për të as në konferenca.

“Bejl? Nuk kemi problem me të dhe nuk mund të them se një futbollist është një problem që mund të ndodhë. Me Bejlin kemi një kontratë dhe që nga qershori, nuk ka ndryshuar asgjë. Pogba? Gjithmonë përgjigjem njëlloj dhe ia lë klubit në dorë. Klubi e di se çfarë na duhet ndërsa ne, jemi përqendruar vetëm te ndeshjet këto ditë”, u shpreh Zidan. /Erjon Allaraj-VipSport.al/