Vllaznia mban mbrojtësin e mirënjohur, Zhuniori ka rivalitet në Superiore

Vllaznia duket se pasi ka afruar Dejan Shehin dhe Erald Markun, do të ketë pjesë të skuadrës edhe mbrojtësin Renato Malota, që në sezonin e ardhshëm do të mbetet në Shkodër. Kuqeblutë janë duke e plotësuar skuadrën, por ajo që shqetëson është mosnisja e stërvitjes.

Shkodranët, aktualisht janë pa staf dhe kjo është një nga arsyet kryesore se pse skuadra nuk po zbret në fushën e stërvitjes. Ndërkohë, shkodranët duan që të mbajnë edhe sezonin e ardhshëm sulmuesin brazilian Zhunior. Në fakt, lojtari është i lirë por ka marrë oferta edhe nga ekipe të tjera të Superiores.

Nuk dihet nëse, Zhunior do të rikthehet te kuqeblutë apo jo, megjithatë, në Shkodër janë shumë vonë këtë verë sa i përket organizimit dhe merkatos!

E.S./Vipsport.al/