Tirana nga kryeqyteti drejt Ohrit për fazë përgatitore

Tirana ka lënë kryeqytetin dhe është nisur drejt Ohrit, aty ku edhe do të zhvillojë fazën përgatitore verore. Bardheblutë pasi kanë zhvilluar përgatitjet paraprakisht në kryeqytet, do të qëndrojnë për dy javë në kampingun e Ohrit.

Skuadra e trajnerit Ardian Mema ka qenë mjaft aktive në merkato duke afruar lojtarë që kanë spikatur në Superiore në vitet e fundit. Nga sa bëhet e ditur, pritet që të ketë të tjera afrime, ndërkohë që trajneri Mema pret edhe Ngonë që t’i bashkohet me ekipin.

Gjatë qëndrimit në Ohër, Tirana do të zhvillojë edhe 3-4 miqësore me skuadra vendase, por edhe të tjera që kryejnë atje fazën përgatitore. Bardheblutë do të mbyllin fazën përgatitore në Maqedoninë e Veriut në 31 korrik.

E.S./Vipsport.al/